Heilo - mi heilo

Signe Seim les sitt eige dikt. Foto: www.germeten.no
av Signe Seim

Står på ein stein og kviler
ved vatn i vierfjell,
vakkerfuglen som fløyter
einsam ein vårblå kveld.
- Kom no, kom no, kom no til meg!

Ligg på eit reir og drøymer
ved vatn i vierfjell,
ventar ungar som kravlar
kring ho ein sumarkveld.
- Kom no, kom no, kom no til meg!

Flyg frå ein frost som jagar
ved vatn i vierfjell,
landar på fjerne flyer,
lengtar mot vår ein kveld.
- Vent no, vent no, vent no på meg!
- Heilo, mi heilo, eg ventar på deg,
kjæraste du!

Kjelde: Det måtte vera her, Boksmia forlag, 2012, s. 35

Kommentarer

  1. Dette diktet var så vakkert at det kom en melodi i hodet. Jeg har ikke spurt om å få bruke teksten, men kanskje noen kan svare på det her, eller henvise meg videre.

    SvarSlett

Legg inn en kommentar