Innlegg

Viser innlegg fra juni, 2019

Bera gullsky

Bilde
av Jan-Magnus Bruheim

Kvelden var så ljosleitt
og berga så blå.
Eg gjekk der fylt av glede
for noko eg fekk sjå:

Ei gullsky låg og sumde
høgt over Karitind.
Eg tok ho ned med augo
og bar ho med meg inn.

Eg stilte meg så varsamt
og sa ikkje eit ord.
Med gullskya i augo
stod eg framfor ho mor.

«Du strålar!» sa ho undren
og smilte varmt til meg.
«Ser du? Det er ei gullsky,
eg tok ho med til deg!» 

Kjelde: Om alle tre var like ... barnedikt, Noregs Boklag, 1975, s. 18

Fjellvinden

Bilde
av Olav H. Hauge
John Nyutstumo les

Du var ein kald strid fjellvind.
Til ein myrk vindskjerm reis upp der framme
og splintra di kraft. Døden.
No smyg du - ein broten vind
langs lunka berg.

Kjelde: Dropar i austavind, Noregs Boklag, 1966, s. 11

Enerbusken

Bilde
av Knut Hamsun
Janne Langaas les

Op i de bratte Fjælde
der Enerbusken er
kan ingen andre følge
av alle Skogens Trær.
Vel halvveis op i Høiden
staar Furuen og fryser,
litt længer op - og Bjørken
av bare Snue nyser.
Men jo saa kravler videre
en kjæk liten Rusk
og staar tilslut deroppe
paa kanske snaut en Alen.
Det er som kjører han et Tog
av Skog ned i Dalen.
Og Rusken er en Enerbusk
og nu er han Kusk.

I Dalen er det Kornmod
og Løv og Sanktehans,
og der er Sang og Barnelek
og stundom er det Dans.
Her oppe hos en Enerbusk
her er det bare Urer, -
naa stundom er her Trolle og
som gaar omkring og lurer.
Men Vinden tar en Enerbusk
og rusker i hans Dusk
og hele Verden ligger da
saa blaasende og naken.
Men al den friske Luft her er!
Det findes ikke Maken.
Og ingen ser saa vidt omkring
som slik en Enerbusk.

Det bæver over Fjældet
et lite Sommernu,
og straks igjen det evige
Vinterhuttetu!
I dette staar en Enerbusk
med eviggrønne Naaler
og vi maa undres over alt
den vesle Rusken taaler.
Han blir t…

Byggje tårn

Bilde
av Tor Jonsson
Even Lusæter les

Grava gråstein
utor veitom.
Bera lyftarstein
opp mot høgste leitom-

Lyfte draumen
opp or einsemddjup.
Bera draumen
bort frå stygge stup.

Vera ein.
Bera stein.

Stein er søkkt
djupt i dy.
Bera - Byggje høgt-
Byggje tårn mot sky.

Bera stein.
Gjera draumen stor.
Byggje tårn,
bru frå jord-

Byggje høgt
over li og lein-
Bera denne draumen-
Bera stein.



Kjelde: Dikt i samling, 1967, s. 174.